Jo Mujh Se Poocha Hai Aaj Tum Ne

Jo Mujh Se Poocha Hai Aaj Tum Ne

Ke Main Tumhara Hoon Kya Batao

Tau Khud Hii Socho Tum Aik Pal Ko

Bhala Main Kaise Tumhain Bataoon

Hai Tum Se Mera Wohi Taalluk

... Jo Apne Saey Se Hai Shajar Ka

Jo Khurshid Se Hai Qamar Ka

Gulon Se Hota Hai Jo Mehak Ka

Kissi Kii Aankhon Ke Masst Dauron Se

Uss Ke Mehboob Ki Jhalak Ka



Main Hoon Badan Tau Tum Iss Kii Jaan Ho

Bahar Mausam Ke Tarjumaan Ho

Lahoo Kii Soorat Meri Ragon Mein

Herr Aik Lamha Rawan Dawan Ho

Namaz Hoon Mein Tau Tum Aazaan Ho

Zamin Hoon Main Tum Aasmaan Ho



Wahi Taalluk Hai Tum Se Mera

Jo Dil Se Hota Hai Dharknon Ka

Khumar Se Jo MehKashon Ka

Jo Shaeron Se Mehvashon Ka

Jo Husn Walon Se Dil Jalon Ka

Wohi Jo Sagar Se Sahilon Ka

Jo Rooh Se Hai Kissi Badan Ka

Hai Guftagoo Se Kissi Dahan Ka

Jo Baarishon Ka Zamin Se Hai

Ibaadaton Ka Jabin Se Hai

Wohi Taalluk Apne Darmiyan Hai



Tumi Baharon Ki Dilkashi Ho

Tumhi Tau Aankhon Ki Roshni Ho

"Jo Sach Kahon Tum Meri Kushi Ho"

Tumi Ujaala Tumhi Saba Ho

Tumhi Aarzoo Tumhi Wafa Ho

Tamam Jazbon Kii Intiha Ho

Tau Kyon Naa Tum Pe Yeh Dil Fida Ho



Batao Jaana Hai Itna Kaafi!!!

Ke Aur Bhii Tumhain Kuch Bataaon???

Jo Ho Sake Tau Khayal Rakhna

Tumhara Mujh Se Wohi Hai Rishta

Malaika Se Jo Bandgi Ka

Jo Marne Wale Se Zindigi Ka

Samandaron Se jo Seep Ka Hai

Wohi Jo Aankhon Ka Deep Se Hai!!!