Kisi sar sabaz waadi mein

Kisi sar sabaz waadi mein

kisi khush ranng jugnoo ko

Kabhi urhte hue daikhoon

Naya ik phool jab khilte hue daikhoon

♥ Mujhe Tum Yaad Aate Ho ♥

Khiyalon mein

sawaalon mein

Mohabbat k hawaalon mein

Tumhain aawaaz daiti hoon

Tumhain wapis bulaati hoon

Youn khud ko aazmaati hoon

Koi jab Nazam kehti hoon

Usse unwaan daiti hoon

♥ Mujhe Tum Yaad Aate Ho ♥

kabhi bahar nikalti hoon

Kisi raste pe chalti hoon

Kahein 2 doston ko

Khilkhilaate Muskuraate

Daikh laiti hoon

Kisi ko Gungunaate daikh laiti hoon

To phir mairi rafaqat k awwal o aakhir

♥ Mujhe Tum Yaad Aate Ho ♥

December mein jo mosam ka mazza laine ko jee chaahe

Koi piyari sahaili phone pe bole

Barha he massat mosam hai

Chalo bahir nikalte hain

Chalo boondon se khailain gay

Chalo Barish mein bheegain gay

To us lamhay tumhari yaad holay se

Koi sargoshi karti hai

Ye palkein bheeg jaati hain

2 aansoo toot girte hain

Main aankhon ko jhukaati hoon

Bazahar muskuraati hoon

Faqat itna he kehti hoon

Mujhe kitna sataatay ho

Mujhe Keun Yaad Aate Ho