Mairay khawaboon k gulshan mai hawaien raqs karti hain

Mairay khawaboon k gulshan mai hawaien raqs karti hain
Mairay hontoon ki larzish mai wafaien raqs karti hain

Mujhay wo lakh tarpaye magr us shaksh ki khatir
Mairay dil k andheron mai duaien raqs karti hain

Ussay kehna k loat aaye sulagti shaam say pehlay
Kisi ki khushk ankhoon mai sada'ain raqs karti hain

Utarta hoon jab kabhi kitabo k samundar mai
Khawabeeda chehray ki ada’ain raqs karti hain

Khuda janay kon si kashish hai teri yadoon mai
Tera zikr chairoon to hawa’ain raqs karti hain